Çekdaran 6 welatiyên Efrînê revandin
Grûpên çekdar ên ser bi artêşa Tirkiyê ve 6 welatî ji gundên Efrînê revandin û ber bi cihên nediyar ve birin.
K24 – Navenda Nûçeyan
Grûpên çekdar ên ser bi artêşa Tirkiyê ve 6 welatî ji gundên Efrînê revandin û ber bi cihên nediyar ve birin.
Rewangeha Sûrî ya Mafên Mirovan belav kir, grûpên çekdar ên ser bi artêşa Tirkiyê ve 5 welatî ji gundê Birc Ebdalo yê navçeya Şêrewa revandin û ber bi cihekî nediyar ve birin.
Ji aliyê xwe ve, Rêxistina Mafên Mirovan jî belav kir, grûpa çekdar a bi navê Mihemed El Fatih roja 1ê Nîsanê welatî Murad Ehmed Betal revandiye û li hember berdana wî daxwaza pereyan dikin.
Ji dema dagîrkirina Efrînê ji aliyê artêşa Tirkiyê û grûpa çekdar ve, bi hezaran welatiyên Kurd hatine revandin.
S. B