Agir bi zîndana Êlihê ket
Girtiyên li zîndana Êlihê serîhildan û hin jûr şewitandin. Piştî vemirandina şewatê hin girtî bo zîndanên din hatin veguhestin.
K24 – Navenda Nûçeyan
Girtiyên li zîndana Êlihê serîhildan û hin jûr şewitandin. Piştî vemirandina şewatê hin girtî bo zîndanên din hatin veguhestin.
Girtiyên li Zîndana Êlihê, bi sedema ku di yasaya kêmkirina sizayê de bêdadî heye serî hildan û hejmarek jûrên nivistinê şewitandin. Piştre ji bi diruşman daxwazên xwe gotin. Xizmên girtiyan jî li dorê zîndanê civiyan.
Piştî bûyerê gelek ambulans û otombêlên vemirandinê bo zîndanê hatin şandin. Polîs û hêzên taybet ji li ber zîndanê bergirî pêşxistin.
Li gor agahiyan, hêzên ewlekarî, bi gaza rondikrêj êriş li girtiyan hat kirin û beşeke girtiyan ji bo zîndanên din hatin veguhestin.
Serdozgeriya Komarê ya Êlihê ragihand ku bûyera li Saziya Înfaz û Cezayê ya Girtî ya Tîpa Myê hat kontrolkirin û di bûyerê da tu kes nemir û birîndar nebû.
S. B