Gerek hevbeş a Hêzên Rûsya û Tirkiyê li rojhilatê Kobanî birêve çû

K24- Hewlêr

Gerek hevbeş a Hêzên Rûsya û Tirkiyê li rojhilatê Kobanî birêve çû.

Ligor Peyamnêrê Kurdistan24 li Kobanî, gerek çavdêrî ya hevbeş a Rûsya û Tirkiyê, ji gundê Xerîb ê rojhilatê Kobanî destpê kir. Di gerê de 4 otombîlên serbazî yên Rûsî û 4 ên Tirkiyê di gel 2 helîkopterên Rûsyayê beşdar bûn.

Ligor planê, ger di nava gundên Xanê, Xirabîsan, Bexdik û gundên, ku li ser wê rê dikevin,  derbas bibe.

Herweha gerek hevbeş a Rûsya û Tirkiyê liser dirêjahiya rêya M4, liser rêya Lazqiyê - Helebê jî, birêve çû‌.