Siyasî

CNK: Di serî da ji PYDê û ENKSê ji bo hemû hêzan re, bangawazî

Ciwanên Netewî yên Kurdistanê - CNK liser proseya yekrêzî/yekhelwêstî li rojavayê Kurdistanê daxuyaniyek arasteyî raya giştî kir. Kopyeyek jê gihand K24...

2020-05-28 11:49

kurdistan ENKS PYD CNK

K24 – Navenda Nûçeyan

Ciwanên Netewî yên Kurdistanê - CNK liser proseya yekrêzî/yekhelwêstî li rojavayê Kurdistanê daxuyaniyek arasteyî raya giştî kir. Kopyeyek jê gihand K24.

Ev naveroka daxuyaniyê ye:

Ev demeke ku li Başûrrojavayê Kurdistanê hevdîtinên yekîtîyê ku têne birêvebirin, wekî hemû kurdên li cîhanê em jî wek CNK bi coş û kelecaneke mezin dişopînin.

Em di wê baweriyê da ne ku birayên me yên li Başûrrojavayê Kurdistanê bidestxistina mafên xwe yên meşrû gihîştina statûyeke siyasî û di qada navdewletî da ji bo naskirina vê, lazim e ev hevdîtinên yekîtîyê teqez bi serkeftin encam bibe.

Haletê wê ya neyînî em naxwazin bifikirin jî. Ji ber ku di dibetîyeke wiha da; em dizanin ku dê Başûrrojavayê Kurdistanê bidestxistinên xwe yên heyî jî bi dest bide û ev yek dê rê li ber xeterîyeke mezin û encamên dramatîk veke.

Her wisa em ji nêz ve dişopînin ku hêzên dagîrker û hin derdorên nîyazxerab jî di vê mijarê da di nav hewldanên tarî da ne.

Ji ber vê em bang li hemû aliyên peywendîdar dikin ku bikevin xema dahatû û xema hişmendîyê û li gor berpirsiyara xwe tev bigerin.

28 Gulan 2020

Ciwanên Netewî yên Kurdistanê - CNK

Kurdistan24 ,