Ji ber topbarana Tirkiyê agir bi devera Biradost ketiye
Topxaneya Tirkiyê binke û baregehên PKKê li sînorê nahiya Sîdekanê topbaran kir û di encamê de agir bi çiya ketiye.
K24 – Navenda Nûçeyan
Topxaneya Tirkiyê binke û baregehên PKKê li sînorê nahiya Sîdekanê topbaran kir û di encamê de agir bi çiya ketiye.
Peyamnêrê K24ê da zanîn, derengê şeva bûrî topxaneya Tirkiyê sînorê herdu gundan Sîran û Mêrgereş li devera Biradost topbaran kirin, di encamê de agir bi çiya, pêş û daran ketiye û het niha jî agir vêketiye.
Li gor zanyariyên peyamnêrê me, agir gihîştiye nava gundê Kaniya Reş jî û metirsî heye mal û zeviyên welatiyan bêne şewitandin.
Diyar kir jî, ji ber rewşa metirsîdar a wê navçeyê, tîmên berevaniya şaristanî yên Sîdekanê nikarin bigihin cihê bûyerê û agir vemirînin.
S. B