Demîrtaş: Şaşîyên HDP'ê jî hene
Hevserokê HDP'ê yê berê Selahedîn Demîrtaş diyar kir, ku HDP ti rêkeftinên veşartî û eşkere ligel CHP û Partiya ÎYÎ nekiriye û got, HDP bi namzedên xwe tevlî hilbijartinê bû ye. Demîrtaş diyarkir, HDP ne parçeyek ji Hevpeymaniya Mîllet e.
K24- Hewlêr
Hevserokê HDP'ê yê berê Selahedîn Demîrtaş diyar kir, ku HDP ti rêkeftinên veşartî û eşkere ligel CHP û Partiya ÎYÎ nekiriye û got, HDP bi namzedên xwe tevlî hilbijartinê bû ye. Demîrtaş diyarkir, HDP ne parçeyek ji Hevpeymaniya Mîllet e.
Selahedîn Demîrtaş çend twîtt liser nîqaşên di derbarê rêkeftinan de belav kirin. Demîrtaş dibêje: "HDP'ê di hilbijartinên herêmî de ligel CHP û Partiya ÎYÎ Partî ne bi eşkere û ne jî vekirî ti rêkeftin nekiriye. Tenê li hin bajarên mezin ên krîtîk, bi armanca pêşvebirina demokrasiyê, bi awayek yekalî piştgiriya namzedên CHP'ê kiriye."
Demîrtaş behsa Hevpeymaniya Mîllet jî kir û got; "Li bajarên din jî, HDP'ê li dijî CHP û Partiya ÎyÎ û hemû partiyan, bi namzedên xwe beşdarî hilbijartinê bû ye û ne parçeyek ji Hevpeymaniya Mîllet e."
Selahedîn Demîrtaş got, bang a HDP'ê ya ji bo hevpeymaniya demokratîk, ne hevpeymaniyek ji bo hilbijartinê ye û diyarkir: "HDP dixwaze hemû pirsgirêk, bi rêyên siyaset û aştiyê bên çareserkirin. Ev bang ji bo wê yekê ye, pirsa Kurd, aborî û hemû pirsên din bên çareserkirin."
Selahedîn Demîrtaş diyar dike, ku wekî HDP, kêmasiyên wan jî hene û anî ziman, divê pêşniyarên xwe yên çareseriyê bi awayek vekirî, ji tevayî civaka Tirkiyê re rabighînin.