Firokeyên Tirkiyê şivanekî li devera Biradost şehîd kir
Rêvebirê Nahiya Sîdekanê Îhsan Çelebî ji K24ê re ragihand, duhî demjimêr 11:00 di encama bombebarana firokeyên Tirkiyê ji devera Biradost re, şivanek şehîd bû.
K24 – Navenda Nûçeyan
Rêvebirê Nahiya Sîdekanê Îhsan Çelebî ji K24ê re ragihand, duhî demjimêr 11:00 di encama bombebarana firokeyên Tirkiyê ji devera Biradost re, şivanek şehîd bû.
Rêvebirê Nahiya Sîdekanê diyar kir, şivanê di bombebarana firokeyên Tirkiyê de şehîd bûye, navê wî Ebas Mexdîd Nîmet e û xelk bajarokê Herîrî e û ji bo çêrandina pez li wê navçeyê bû.
Amaje bi wê jî da, ji ber ku ew navçe cihê şer e, termê wî şihanî heta demjimêr 3:00 berbangê li erdê mabû. Piştre termê wî hat rakirin û ji bo Bijîkî Dadî li Soran hat veguhastin.
Artêşa Tirkiyê ji duhî ve operasyona “Cengê Piling” li dijî PKKê li Herêma Kurdistanê destpê kiriye û navçeyên sînorî bombebaran dike û hêzên xwe jî derbasî nava xaka Herêma Kurdistanê kirine.
S. B