Wezareta Navxwe derbarê qedexeya hatinûçûnê û ragirtina dewamê çend biryar derxistin

K24- Hewlêr

Wezareta Navxwe derbarê qedexeya hatinûçûnê û ragirtina dewamê çend biryarên nû derxistin.

li gor wan biryarên nû, Wezareta Navxwe desthelat daye Jûrên Operasyonên parêzgehan û rêvebrîyên serbixwe ku li gel rewşa her yek ji wan deveran, dikarin evan xalan encam bidin:

yekem:

1. Ragehandina qedexya hatinûçûna temam yan sinûrdar li rûyê cih û demê ve.
2. Ragehandina dewam a fermîya fermangehên hikumî û ne hikumî li gor pêwîstîyan.
3. Cihên girêdayî bi jîyana rojaneya xelkî, wek nanpêjxane û dûkanên nav taxan û cihên firoştina gîya û fêkî vebûyî bin bi mercên tenduristîyê.
4. Xwaringeh vebûyî bimînin tenê bi mebesta firotinê bi delîverî bi rênimayîyên Tenduristîyê ve.
5. Daxistina tevaya senter û norîngehan (norîngehên pizîşkan, pizîşkên diranan, karmendên tenduristî û taqîgehî).
6. Daxistina tevaya cihên olî, holên werzişê, kafîtîrya, yane şevane, parl û cihên giştî yên din û qedexekirina tevaya boneyên (şînî, aheng û boneyên civakî) heya demeka din ku asta metirsîya Koronayê kêmtir bibe.
7. Pabendkirin bi danan demamk û vekolînê ji wan kesan bikin ku bicih nakin.
8. Zêdekirina çavdêrîkirina rênimayên xweparêzîyê li ser wan cihên ku rê bi wan hatîye dan û sizadan kesên bicih nakin.
9. Ragirtina alavên veguhaztina giştî (bas, mînî bas û teksî).
10. Qedexeya çûnê bo cihên geştyarî.
11. Danana rêkarên guncayî û tenduristî ji alîyên fermangehan hikumetê bo mûçedanê.

Dûyem: Dewama fermîya wezaretan li gor komîteya balaya berengabûna Vayrosa Koronayê û biryarên hikumetê ji alîyê wezîrê taybet ve biryar li ser dihête dan li gor kar û guncana biryarên jûra Operasyonan.

Sêeyem: Hatinûçûna kompanyayên peywendîyan û komparnyayên petrolê ku ji alîyê wezareta navxwe/ rêveberîya giştî ya dîwanê rêdan bo wan dihête kirin bi hevahengî li gel wezareta veguhaztin û gehandina û wezareta samanên suriştî.

Çarem hatinûçûna dîplmatên bîyanî û hêzên hevpeyamanan bi rêye fermangeha peywendîyên derve hevahengî û kar sanahî bo wan dihête kirin li seranserî Herêma Kurdistanê.

Pêncem: Hatinûçûna ajansên Neteweyên yekbûyî û rêkxistîyn nêv dewletî bi rêya Navenda hevişka kirîzan (JCC) li wezareta navxwe rêdana bo wan dihête kirin bi hevahengî li gel fermangehên peywendîyên derve.

Şeşem, Jora Operasyonan li parêzgeh û rêveberîyên serbixwe evan rêkarên pêwîst digirin ber bo cîbicîkirina evê beyannameyê û dê berpirsyar bin ji her kêmasîyekê.

Hevtem: Ev beyanname temamkerê beyannameya hejmare 41 ya sala 2020 yê ku li rêkevta 15/6/2020 derkevtîye.