Wezîrê Tenduristîyê: Serokê hikumetê pêşxistenek bexşîye wan pizîşk û karmendên nexweşên Koronayê çareser dikin

K24- Hewlêr

Wezîrê Tenduristîya Hikumeta Herêma Kurdistanê, Saman Berzincî, konfiraseka rojnamevanîyê derbarê rewşa Vayorsa Koronayê encamda û di destpêkê de,s upasîya serokê hikumeta Herêma Kurdistanê kir, bo bexşîna pêşxisteneka fermanberîyê bi hemû wan pizîşk û karmendên di rûbirûbûna Koronayê kar dikin.

Puxteya axivtinên wezîrê Tenduristîyê:

• Supasî ya serokê Hikumeta Herêma Kurdistanê dikin bo bexşîna pêşxistinê di pileya fermanberîyê de, bo hemû pizîşk û karmendên di rûbirûbûna Koronayê kar dikin.
• Wek wezareta Tenduristîyê supasî ya karmendên kerta Tenduristîyê û pizîşkan dikin.
• Serê rêz û newazişê bo wan kesan diçemin ewên bi sedema Koronayê canên xwe ji dest dane.
• Heya niha 350 kes di kerta Tenduristîya Herêma Kurdistanê de tûşî Koronayê bûne.
• Daxwaz ji hemû alîyan dikin, tika dikin xwe biparêzin, ev yek di berjewendîya hewe û xelkên Kurdistanê de ye.
• Xweşbextane hejmareka mezin ji tûşbûyên Koronayê baş bûn e, lê zêdetir ji 4 hezar halet li jêr çareserîyê ne.
• Dû rênimayî yên gelek giring hene, yeke, dûrbûn ji hevdû û dûyem danana demamkê.
• Komîte ya Bilinda Koronayê biryar da, rêjarên xweparêzîyê berdewam bin û helmeteka mêdya ya hoşyarî ya tenduristî radigehin. Wezareta Tednuristîyê, Roşenbîrî û Fermangeha Mêdya û Zanyarîyan evê helemetê birêve dibin.
• Ev nexweşî gelek metirsîdare bo ewan kesên rewşa tenduristîya wan necêgîre.
• Komîteya bilind biryar da berdewam be li ser piştîvanîkirina Wezareta Tenduristîyê bo dabînkirina pêdawîstîyên Tenduristîyê. Heya niha 95% ji alîyê hikumetê ve hatîye dabîn kirin.
• Dana sûpasnameyê pêşxistinê bo karmendên kerta Tenduristîyê.
• Qedexeya hatinûçûnê di navbera parêzgehan de berdewam dibe.
• Biryara kerentînkirin di mal de hat derkirin, hinek kes dikare di mala xwe de xwe kerentîn bike, ewên geştayrên derê ne dikarin xwe di mala xwe kerentîn bikin.