Li Esfehanê teqînek çê bû

K24 – Navenda Nûçeyan

Medyaya Îranê belav kir teqînek li yekîneyeke enerjiyê li parêzgeha Esfahê rû da.

Ajansa “IRNA” a Îranî belav kir, di encama teqînê de ti ziyaneke canî nebûye.

Serokê Kompanyaya Enerjiyê li Esfehanê di wê derbarê de ragihand, teqîn ji encama têkçûna amûreyekê rû daye û teqîn ne cihê nîgeraniyê ye.

Di çend hefteyên bûrî de, çend teqîn li navçeyên serbazî û atomî û pîşesazî yên Îranê çê bûn, hikûmeta Îranê jî ew vedigerandin pirsgirêkên teknîkî, lê rojnameya New York Times dibêje, Îsraîl li pişt beşek wan teqînan e.

S. B