Parêzgarê Hewlêrê: Ew dûkanên şewitîn li bazarê Sîm bi biryara serokê hikumetê dê bihên nûkirin

K24- Hewlêr

Nivîsîngeha parêzgarê Hewlêrê ragehand, teva ya wan dûkanên li bazarê Sîm, li taxa Kurdistanî, bajarê Hewlêrê li roja Heynî ya burî şewitîn; bi biryara serokê hikumeta Herêma Kurdistanê dê bihên nûkirin.

Deqa ragehandina nivîsîngeha parzêgarê Hewlêrê:

Piştî ku li roja Heynî ya Burî, 24/7/2020 bazarê Sîm li taxa Kurdistan, bi sedema agir pêketinê şewitî û zîyan  bi zêdetir ji 230 dukanan ket, birêz parêzgarê Hewlêrê bo çareserkirina arîşeyên zîyan pêketiyan û dokandarên wî bazarî, serdana wir kir û komîteyek bo civîn û gotûnêjan li gel civata wî bazarî hat pêkhînan bo veguhaztina wî bazarî bo cihekê guncayîtir,  heya di gotûbêjan de gehiştin encam, ev biryarên hanê hatin dan:-

• Bo harîkirina wan kasibkarên ji encama agir pêketinê zîyanmend bûne, herweha daku kar û kasibîyên xelkê neraweste û bikarin di karên xwe yên rojane de berdewam bin, serokê hikumeta Herêma Kurdistanê biryar da li ser erkê hikumeta Herêma Kurdistanê bi awyeka demkî, ew dukanên ku şewitîne bihên nûkirin.
• Bo veguhaztina wî bazarî û duristkirina bazarekê serdemîyane bi mîkanizmeka guncayî û rezamendîya kasibkaran, rêzdar Mesrûr Barzanî, serokê hikumeta Herêma Kurdistanê, biryar da ew cihê ku bo wan dihêt destnîşankirin, tevaya xizmetguzarîyan wek torên (av, kehreba, qêrkirina cadeyan û berevanîya şaristanî li ser erkê hikumeta Herêma Kurdistanê bdihên dabînkirin.

Nivîsîngeha Parêzgeha Hewlêrê

28/7/2020