Wezareta Navxwe derbarê hatûçûnê de biryar da
Wezareta Navxwe ya Herêma Kurdistanê li ser qedexeya hatûçûn û rêkarên nû yên rûbirûbûna vîrûsa koronayê daxuyaniyeke nû belav kir
K24 – Hewlêr
Wezareta Navxwe ya Herêma Kurdistanê li ser qedexeya hatûçûn û rêkarên nû yên rûbirûbûna vîrûsa koronayê daxuyaniyeke nû belav kir.
Lijneya Bilind a Rûbirûbûna Koronayê îro bi mebesta pêkanîna rêkarên nû û gotûbêjkirina rewşa xweparastina ji belavbûna zêdetir a koronayê civiya û çend biryarên nû dan.
1 – Li hemû cihên giştî, divê welatî mask bi kar bînin.
2 – Hemû navendên bijîşkî heta 14 rojan têne girtin.
3 – Cihên giştî, park, kafeterya û çayxane têne girtin.
4 – Holên werzişê, hewûz û klûpên şevan girtî dimînin.
5 – Hemû merasîmên olî û civakî qedexe ne.
6 – Xwaringeh divê xwarinan tenê bigihînin malan.
7 – Hatûçûna di navbera parêzgeh û bajaran de têne rawestandin.
8 – Hatûçûna di navbera Herêma Kurdistanê û Iraqê de heta hefteyekê tê sekinandin.
9 – Hatûçûna dîplomatkarên biyanî û hêzên hevpeymaniyê berdewam e.
10 – Hatûçûna ajans û rêxistinên Neteweyên Yekbûyî berdewam e.
11 – Şofêrên wesayîtan divê mask bi kar bînin.
12 – Li saziyên sektora taybet, divê karmend mask bi kar bînin.
13 – Li derveyî cih û avahiyan divê di navbera mirovan de metreyek û nîv mesafe hebe.
14 - Kesên vedigerin welat divê soznameyekê îmze bikin ku dê xwe kerentîn bikin.
15 – Deriyê sînorî yê Îbrahîm Xelîl heta hefteyekê dê ji bo geştyariyê were girtin.
16 – Jûra operasyonan û îdareyên serbixwe divê van xalan cîbicî bikin û çavdêriya cîbicîkirina wan bikin.
Î.A
