Li Iraqê amarên nû yên koronayê

K24 – Hewlêr

Wezareta Tendirustiyê ya Iraqê ragihand; li Iraqê di 24 demjimêrên borî de ji ber vîrûsa koronayê (Covid-19) 74 kesan jiyana xwe ji dest dan.

Li gor daxuyaniya Wezareta Tendirustiyê ya Iraqê, di 24 demjimêrên borî de li Iraq û Herêma Kurdistanê 74 kesan canê xwe ji dest dane û 4 hezar û 177 kes bi vîrûsa koronayê ketine.

Wezaretê di daxuyaniya 28ê Tebaxa 2020an de eşkere kiriye; heta niha 223 hezar û 612 kes li Iraqê bi vîrûsa koronayê ketine û 164 hezar û 874 kes ji vê vîrûsê rizgar bûne.

Herwiha hatiye destnîşankirin; niha 582 kes di nexweşxaneyên Iraqê de di çavdêriya hûr de ne û heta niha li seranserê Iraqê 6 hezar û 814 kesan canê xwe ji dest dane.

Î.A