Serok Barzanî pêşwaziya Serokê Parlementoya Iraqê kir

K24 - Hewlêr

Roja yekşemê 6ê Îlona 2020an li Selaheddîn, Serok Mesûd Barzanî pêşwaziya Mihemed Helbûsî Serokê Encûmena Nûnerên Iraqê kir.

Di hevdîtinê de rewşa siyasî û pêşhatên dawî yên Iraqê û navçeyê hate gotûbêjkirin û ronahî jî xistin li ser proseya siyasiya Iraqê ya di qonaxên pêş de.

Herwiha tekezî jî li ser hemahengî û karê hevbeş ê aliyan ê ji bo çareserkirina qeyranan kirin.

Danûstandina bîr û ramanên li ser çareserkirina girift û peywendiyên di navbera Herêma Kurdistan û Bexda mijareke dinê vê civînê bûn.