Artêşa Tirkiyê li Girê Spî êrişî serbazên Sûriyê kir
Artêşa Tirkiyê xalên serbaziyên Sûriyê li rojavayê Girê Spî mûşekbaran kirin û 7 serbazên Sûriyê birîndar bûn.
Navenda Nûçeyan (K24) – Artêşa Tirkiyê xalên serbaziyên Sûriyê li rojavayê Girê Spî mûşekbaran kirin û 7 serbazên Sûriyê birîndar bûn.
Peyamnêrê K24 li Qamişlo ragihand, Artêşa Tirkiyê duhî piştî nîvro gundên Kubirlik, Bîrkit û Xirbet Saronc yên rojavayê bajarê Girê Spî yê rojavayê Kurdistanê mûşekbaran kirin û di encam de 7 serbazên Artêşa Sûriyê birîndar bûn.
Hevdem, Rewangeha Sûriyê ya Mafên Mirovî belav kir, ji bilî wan 7 birîndaran, hin serbazên Sûriyê jî hatne kuştin.
Piştî rêkeftina Soçî a di navbera Tirkiye û Rûsiyayê de, êzên rêjîma Sûriyê li gelek navçeyên sînorî yên bi Tirkiyê re belav bûn.