Nêçîrvan Barzanî û Jeanine Plasschaert rewşa Iraqê guftûgo dikin
Serokê Herêma Kurdistanê Nêçîrvan Barzanî pêşwazî li Nûnera Sekreterê Giştî yê Neteweyên Yekgirtî li Iraqê Jeanine Plasschaert kir.
Navenda Nûçeyan (K24) - Serokê Herêma Kurdistanê Nêçîrvan Barzanî pêşwazî li Nûnera Sekreterê Giştî yê Neteweyên Yekgirtî li Iraqê Jeanine Plasschaert kir.
Di civînê de proseya siyasî û rewşa Iraqê bi giştî û pêşhatên dawî yên guftûgoya di navbera Hikûmeta Herêma Kurdistanê û Hikûmeta Federaliya Iraqê ya ji bo çareserkirina kêşeyan guftûgo kirin.
Serok Nêçîrvan Barzanî bal kişand li ser rola erênî ya Neteweyên Yekgirtî li Iraqê û dûpat kir ku Neteweyên Yekgirtî dikarê di çareserkirina kêşeyan, derbaskirina rewşê û gefên li pêş wê de hevkariya Iraqê bike.
Sîstema Federaliyê li Iraqê, pirsa hilbijartinên bê, rûbirûbûna terorê, tevgerên DAIŞê û çend pirsên girîng ên hevbeş, beşeke din a vê civînê bû.