Li Iraqê 3 hezar û 298 kesên din bi koronayê ketin
Wezareta Tendirustiyê ya Iraqê ragihand; li Iraqê di 24 demjimêrên borî de ji ber vîrûsa koronayê 50 kesan jiyana xwe ji dest dan.
.jpg)
Navenda Nûçeyan (K24) - Wezareta Tendirustiyê ya Iraqê ragihand; li Iraqê di 24 demjimêrên borî de ji ber vîrûsa koronayê 50 kesan jiyana xwe ji dest dan.
Li gor daxuyaniya Wezareta Tendirustiyê ya Iraqê, di 24 demjimêrên borî de li Iraq û Herêma Kurdistanê 50 kesan canê xwe ji dest dane û 3 hezar û 298 kes bi vîrûsa koronayê ketine.
Herwiha eşkere kir ku 2 hezar û 571 kes jî baş bûne.
Wezaretê di daxuyaniya 12ê Mijdara 2020an de eşkere kiriye; heta niha 511 hezar û 806 kes li Iraqê bi vîrûsa koronayê ketine.
Herwiha hatiye destnîşankirin; heta niha li seranserê Iraqê 11 hezar û 532 kesan canê xwe ji dest dane.