Hêmin Hewramî: Heta niha Bexdayê ji heqên darayî yên Herêmê dînarek jî neşandiye

Hewlêr (K24) – Cîgirê Serokê Parlamentoya Kurdistanê Hêmin Hewramî ragihand ku heta niha hikûmeta federalî ji heqên darayî yên Herêmê dînarek jî neşandiye.

Hêmin Hewramî di daxuyaniyeke çapemeniyê de diyar kir: “Hikûmeta Iraqê pabendî cîbicîkirina yasaya budceyê nebûye.”

Hewramî eşkere kir; ev 12emîn meh e ku hikûmeta Iraqê heqên darayî yên Herêmê neşandiye.

Cîgirê Serokê Herêma Kurdistanê destnîşan kir ku dahatên petrol û deriyên sînorî, pêwîstiya wan bi cîbicîkirina baştir a yasaya reformê heye û divê reform tê de werin kirin.

Hêmin Hewramî herwiha eşkere kir ku hefteya bê, şandeke Hikûmeta Herêma Kurdistanê dê biçe Bexdayê ji bo lipeyçûna pirsa cîbicîkirina yasaya budceyê.