Mûsîlaja Deryaya Marmarayê li parlamentoyê dê were lêkolînkirin
Li Tirkiyê mûsîlaj ango qirêjiya di Deryaya Marmarayê de herî dawî ji aliyê parlamanetoyê ve jî hat nirxandin.
Navenda Nûçeyan (K24) - Li Tirkiyê mûsîlaj ango qirêjiya di Deryaya Marmarayê de herî dawî ji aliyê parlamanetoyê ve jî hat nirxandin. Ji bo lêkolîna vê meseleyê ku ji aliyê 5 partiyan ve pêşniyarnameya avakirina Lijneya Lêpirsînê hatibû pêşkêşirin ji aliyê parlamentoyê ve hat qebûlkirin.
Li parlamentoya Tirkiyê herî dawî ji bo tespîtkirina sedemên mûsîlajê û peydakirina çareseriyên ji bo vê kêşeyê ji bi awayekî giştî biryar hat dayîn ku lijneya lêpirsînê bê avakirin.
Pêşniyarnameyên lêpirsînê ku ji aliyê AKPê, CHP, HDPê, Partiya Îyî û MHPê ve bo parlamentoyê hatibûn pêşkêşkirin dîsa bi pirraniya dengên heman partiyan hatin qebûlkirin.
Di vê çarçoveyê de lijneya ku dê were avakirin dê ji 19 parlamenteran pêk were û ev lijne di maweya 3 mehan de dê li ser vê qirêjiyê lêkolînên xwe temam bike.
