Îbrahîm Reîsî îro sûnda yasayî dixwe
Serokê Herêma Kurdistanê û Seroka Parlamentoya Kurdistanê di merasîma sûndxwarinê de beşdar dibin.
Navenda Nûçeyan (K24) – Serokomarê Îranê yê nû hilbijartî Îbrahîm Reîsî îro li parlamentoya welatê xwe sûnda yasayî dixwe, Serokê Herêma Kurdistanê û Seroka Parlamentoya Kurdistanê di merasîma sûndxwarinê de beşdar dibin.
Piştî ku li pêş Rêberê Komara Îslamî ya Îranê Elî Xaminey merasîma veguhastina desthilatê di navbera Hesen Ruhanî û Îbrahîm Reîsî hat kirin, biryar e îro Îbrahîm Reîsî wek Serokomarê Îranê sûnda yasayî dixwe.
Medyaya Îranê belav kir, hejmarek ji serkirdeyên welatan di merasîma sûndxwarinê de beşdar dibin, di nava wan de jî Serokê Herêma Kurdistanê Nêçîrvan Barzanî û Seroka Parlamentoya Kurdistanê Rêwaz Fayiq hene.
Îbrahîm Reîsî di 13emîn hilbijartina serokatiya komara Îranê de ku roja 18/6/2021 birêve çû, bi rêjeya ji sedî 62 a dengan wek Serokê Îranê hat hilbijartin.
