Li Zanîngeha Dîcleyê rê li ber nivîsandina tezên bi Kurdî hat vekirin
Sala borî bi hinceta nebûna destûra Desteya Bilind a Perwerdeyê di beşa Ziman û Edebiyata Kurdî de nivîsandina tezên bi Kurdî qedexe kiribû
Navenda Nûçeyan (K24) - Zanîngeha Dîcleyê ya li Diyarbekirê ku sala borî, bi hinceta nebûna destûra Desteya Bilind a Perwerdeyê di beşa Ziman û Edebiyata Kurdî de nivîsandina tezên bi Kurdî qedexe kiribû, biryara xwe guherand.
Zanîngeha Dîcleyê bi rêziknameyekê ragihandiye ku dê îsal xwendekarên beşa Ziman û Edebiyata Kurdî bikaribin tezên xwe bi zaravayên kurmancî û zazakî yên Kurdî binivîsin.
Di rêziknameya nû ya îsal de, destûr hatiye dayîn ku xwendekar dikarin bi ziman û zaravayên din tezên xwe binivîsin.
Zanîngeha Dîcleyê sala 2020an ji bilî Tirkî bi zimanekî din nivîsandina tezan li xwendekaran qedexe kiribû û bi taybet ji bo beşa Kurdî di raya giştî ya Kurd de bertek hatibûn nîşandan.
