Champions League.. Barcelona bêyî Messi, ne serketin û ne jî gol

Navenda Nûçeyan (K24) – Tîma Barcelona di gera duyem a koman a Champions League de şeva borî li hember tîma Benfica (0 - 3) bi têkçûyînek rûreş derket.

Di gera duyem a koman a Champions League de Benfîka Portugalî şeva borî mêvandariya Barcelona li Estadio da Luz kir û bi encama (3 - 0) bi serket.

Benfîka golên xwe bi riya Darwin Nunez du gol di xulekên (3 û 79) de û Rafa Silva jî di xuleka (69) de tomar kirin.

Ev cara yekem e Barcelona di dîroka xwe ya di Champions League de her du lîstikên xwe yên destpêkê ji dest dide ku di gera yekem de jî li ser erdê xwe li hember Bayern Munich bi encama (0 - 3) têk çûbû.

Bi vî awayî, Barcelona heta niha di vê qehremaniyê de bê punan û bê golek e jî. Li hemberê Benfîka bû xwediyê 3 punan.

Encamên gera duyem a Champions League wiha bûn:

Koma A

Paris Saint-Germain (2-0) Manchester City

RB Leipzig (1-2) Club Brugge

Koma B

Porto (1-5) Liverpool

AC Milan (0-1) Atletico Madrid –

Koma C

Ajax Amsterdam (2-0) Beşiktaş

Borussia Dortmund (1-0) Sporting Lisbon

Koma D

Real Madrîd (1-2) Sheriff 

Shakhtyor Donetsk (0-0) Inter Milan

Koma E

Benfica (3-0) Barcelona

Bayern Munich (5-0) Dynamo Kiev

Koma F

Atlanta (1-0) Young Boys  

Manchester United (2-1) Villarreal

Koma G  

Wolfsburg (1-1) Seville  

Salzburg (2-1) Lille

Koma H  

Juventus (1-0) Chelsea  

Zenit Petersburg (4-0) Malmo