Peyama Serok Barzanî bo koçkirina Pîr Xidirê Silêman
Ji ber koça dawî ya rewşenbîr, nivîskar û kesayetiya civaka Êzidî Pîr Xidirê, Serok Barzanî hevxemiya xwe nîşan da
Navenda Nûçeyan (K24) – Ji ber koça dawî ya rewşenbîr, nivîskar û kesayetiya civaka Êzidî Pîr Xidirê, Serok Mesûd Barzanî peyameke sersaxiyê arasteyî malbata wî û bingeha Laleşê û civaka Êzidî kir.
Peyama Serok Barzanî:
“Bi xem û kovaneke mezin me nûçeya koça dawî ya rewşenbîr, nivîskar û mamosteyê ziman û wêjeya Kurdî û kesayetiya civaka Êzidî Pîr Xidirê Silêman bihîst.
Bi vê helkeftê, serxweşî û sersaxiyê li malbat û kesûkarên Pîr Xidirê Silêman û tevahiya nivîskar, navendên kulturî, bingeha Laleşê û civaka Êzidî dikin.
Ji Xwedêyê mezin daxwazin, sebir hedarê bide kesûkarên rihmetî û giyanê wî şad be û cihê wî bihuşta perîn be.”
