Nêçîrvan Barzanî teqîna Besrayê şermezar dike û amadehiya Herêmê bo pêşwazîkirina birîndaran nîşan dide
Teqînek bi riya motosîkleke bombekirî li pêş Nexweşxaneya Komarî ya Besrayê hatibû kirin
Navenda Nûçeyan (K24) – Serokê Herêma Kurdistanê Nêçîrvan Barzanî teqîna îro ya li Besrayê yak u tê de hejmarek ji welatiyan hatin kuştin û birîndarkirin şermezar kir.
Nêçîrvan Barzanî di peyamekê de got: “Em bi tundî êrîşa terorîstî ya hovane şermezar dikin ku îro li navenda bajarê Besrayê bi rêya motorsîkleke bombekirî kir armanc û di encamê de hejmarek welatî hatin şehîdkirin û birîndarkirin.”
Got: “Em sersaxiyê ji malbat û kesûkarên şehîdan re dixwazin û hevxemiya xwe bi wan nîşan didin. Em ji Xwedayê mezin hêvî dikin ku giyanê şehîdan bi dilovaniya xwe şad bike û sebir û aramiyê bide malbatên wan.”
Herwaha got: “Em hêviya başbûna bilez ji ji birîndaran re dixwazin û em dubare dikin ku Herêma Kurdistanê amade ye pêşwazî li birîndaran bike û hemû xizmetguzarî û pijîşkî li nexweşxaneyên xwe ji wan re pêşkêş bike.”
