Li Besrayê teqîn: 4 kesan canê xwe ji dest dan
Li navçeya Zubeyr a ser bi parêzgeha Besra ya Iraqê teqînek rûda.
Navenda Nûçeyan (K24) – Li navçeya Zubeyr a ser bi parêzgeha Besra ya Iraqê teqînek rûda û di teqînê de çar kesan canê xwe ji dest dan.
Çavkaniyekî ewlehiyê li parêzgeha Besrayê ragihand; ji ber paşmahiyên şer li navçeya Zubeyr, bombeyek bi çar kesan de teqiya û her çar welatiyan jiyana xwe ji dest dan.
Heman çavkanî eşkere kir ku di nav kuştiyan de zarokek jî heye.
Navçeya Zubeyr ser bi parêzgeha Besra ya Iraqê ye û li wir şer û pevçûnên herî mezin ên artêşa Iraqê û Îranê di şerê 8 salan de rûda, çendîn paşmahiyên çek û bombeyan ji wê demê ve mane.