Serok Barzanî pêşwazî li şandeke parlamenterên serbixwe yên Iraqê dike
Şanda mêvan destpêşxeriyên xwe yên ji bo rizgarbûna ji qeyran û astengiyên li pêş proseya siyasî ya Iraqê pêşkêş kirin.
Navenda Nûçeyan (K24) – Serok Mesûd Barzanî îro 5ê Hezîranê ligel şandeke endamên serbixwe yên Encûmena Nûneran a Iraqê civiya.
Li gorî daxuyaniya Baregeha Barzanî, Serok Mesûd Barzanî îro pêşwazî li şandeke endamên serbixwe yên Encûmena Nûneran a Iraqê kir.
Di hevdîtinê de, rewşa siyasî ya Iraqê û xetimandina proseya siyasî ya Iraqê hatin gotûbêjkirin û şanda mêvan destpêşxeriyên xwe yên ji bo rizgarbûna ji qeyran û astengiyên li pêş proseya siyasî ya Iraqê pêşkêş kirin.
Her di vê hevdîtinê de, tekezî li wê hate kirin ku berdewamiya qeyrana siyasî, metirsiyeke cidî li ser berjewendiyên welatiyan û aramiya Iraqê dirust dike.
