Partiya Zafer piştgiriya xwe ji bo Kilçdaroglu nîşan da

Navenda Nûçeyan (K24) – Partiya Zafer a Tirkiyê piştgiriya xwe ji Kemal Kalçdaroglu re di gera duyem a hilbijartinên serokomariyê de ragihand.

Serokê Partiya Zafer Ûmît Ozdag piştgiriya xwe ji bo namzedê Serokomariyê Kemal Kiliçdaroglu di gera duyem a hilbijartinan de nîşan da.

Hilbijartinên Tirkiyê roja 14ê Gulanê hatin kirin û ji ber ku ti namzedekî ((%50+1) bidest nexist, gera duyem a hilbijartina serokomariyê Tirkiyê dê roja 28ê Gulanê were kirin.

Di gera duyem de, Recep Tayyîp Erdogan û Kemal Kiliçdaroglu hevrikiyê dikin.

Partiya Zafer, partiyeke neteweperest û Atatûrkî ye û di hilbijartinan de ji sedî 2.2 deng anîbû. Namzedê wê ya Serokomariyê Sînan Ogan piştî ku di gera yekem de biser neketibû, ji bo gera duyem piştgiriya Erdogan dike.