Ano Cewher: Em daxwaza lêkolîneke şefaf ji bo eşkerekirina rastiya bûyera Hemdaniyê dikin
Navenda Nûçeyan (K24) – Wezîrê Veguhastinê yê Herêma Kurdistanê ragihand, Serokwezîr Mesrûr Barzanî ji destpêka bûyera navçeya Hemdaniyê ve li ser xetê bû ji bo pêşkêşkirina xizmetguzariyên mirovî û bijîşkî ji birîndaran re. Herwiha got: “Em daxwaza lêkolîneke şefaf ji bo eşkerekirina rastiya bûyera Hemdaniyê dikin.”
Wezîrê Gihandin û Gihandinê yê Herêma Kurdistanê Ano Cewher ji K24ê re ragihand, Serokwezîr Mesrûr Barzanî ji yekem kêliya bûyerê ve li ser xetê bû û ferman da ku hemû xizmetguzariyên tenduristî û mirovî ji bo birîndarên navçeya Hemdaniyê bêne pêşkêşkirin.
Ano Cewher da zanîn, ji kêliya yekem ve zêdetirî 38 ambûlans gihiştin navçeya Hemdaniyê, piştre jî alîkariyên bijîşkî ji bo Hemdaniye û Mûsilê hatin şandin û birîndar jî bo nexweşxaneyên Hewlêrê hatin rakirin.
Amaje bi wê kir: Dezgeha Xêrxwaziya Barzanî roleke wê ya berçav di pêşkêşkirina xizmetguzariyên tenduristî û mirovî bo birîndarên navçeya Hemdaniyê hebû. Metranan jî spasiya Serokwezîr kirin ku ji destpêka bûyerê ve li ser xetê bû.
Ano Cewher got, Serokwezîr Mesrûr Barzanî serdana birîndarên Hemdaniyê kir û daxwaz kir ku hemû xizmetguzariyên tenduristiyê ji wan re bên pêşkêşkirin. Herwiha Serokwezîr raporên birîndaran dem bi dem dişopandin.
Wezîrê Gihandin û Gihandinê got jî: “Em daxwaza lêkolîneke şefaf ji bo eşkerekirina rastiya bûyera Hemdaniyê dikin.”
Derengê şeva 26ê Îlona 2023an, li qezaya Hemdaniyê ya li parêzgeha Neynewayê di merasîma dawetê de şewat derket, di encamê de jî zêdeyî 100 kesî canê xwe ji dest dan û bi sedan kes jî birîndar bûn.
Piştî bûyerê, Serokwezîr Mesrûr Barzanî tîmên agirkuj û bijîşkî raspardin ku alîkariya birîndaran bikin û heta niha hejmarek birîndar bo nexweşxaneyên Herêma Kurdistanê hatine veguhestin.
