Serokwezîr Mesrûr Barzanî pêşwazî li şandeke Kakeyî kir
Navenda Nûçeyan (K24) – Serokwezîrê Herêma Kurdistanê Mesrûr Barzanî pêşwazî li kesayetiyê olî yê naskirî yê Kakeyî Seyid Rehîm Seyid Ezîm û şanda pê re kir.
Di civînê de rewşa xwişk û birayên Kakeyî bi giştî û li navçeyên Kurdistanî yên derveyî îdareya Herêma Kurdistanê bi taybetî hate gotûbêjkirin.
Herwiha tekezî li ser giringiya parastina mafên Kakeyîyan û pêşxistina tebayî û pêkvejiyana aştiyane di navbera hemû pêkhateyên Herêma Kurdistanê û Iraqê de hate kirin.
