Serok Barzanî cejna Kakeyîyan pîroz dike

Navenda Nûçeyan (K24) – Serok Barzanî cejna Qewiltasê li Kakeyîyan pîroz dike û tekezê li ser bihêzkirina çanda pêkvejiyana gelê Kurdistanê û piştevanîkirina maf û daxwaziyên pêkhatan dike.

Serok Barzanî îro (Pêncşem, 25.1.2024) peyamek belav kir ku tê de dibêje, “Bi helkefta hatina cejna Qewiltasê, ez pîrozbahiyê li tevaya xûşk û birayên Kakeyî li Kurdistanê û hemî cîhanê dikim”.

Serok Barzanî amajeyê jî dide, “Ez hêvîdar im xûşk û birayên me yên Kakeyî û tevaya pêkhatên olî û neteweyî yên Kurdistanê herdem cejn û helkeftên xwe bi aramî û xêr û xweşî bikin”.

Serok Barzanî di pareka dî ya peyama xwe de nivîsiye, “Di vê helkeftê de, em tekezê li ser bihêztirkirina çanda pêkvejiyana gelê Kurdistanê û piştevanîkirina maf û daxwaziyên pêkhatan dikin”.

Deqê peyama Serok Barzanî bi helkefta cejna Qewiltasê

Bi navê Xudayê mezin û dilovan

Bi helkefta hatina cejna Qewiltasê, ez pîrozbahiyê li tevaya xûşk û birayên Kakeyî li Kurdistanê û hemî cîhanê dikim.

Ez hêvîdar im xûşk û birayên me yên Kakeyî û tevaya pêkhatên olî û neteweyî yên Kurdistanê herdem cejn û helkeftên xwe bi aramî û xêr û xweşî bikin.

Di vê helkeftê de, em tekezê li ser bihêztirkirina çanda pêkvejiyana gelê Kurdistanê û piştevanîkirina maf û daxwaziyên pêkhatan dikin.

Di xêr û xweşiyan de bimînin.

Mesûd Barzanî

25ê Çileya 2024ê