Li Îranê 13 karker di teqîna kana komirê de canê xwe jidest dan

Navenda Nûçeyan (K24) –  Di encama teqîna gaza Maysanê ya li kana komirê ya li parêzgeha Xurasanê li başûrê Îranê de, herî kêm 13 kesan canê xwe jidest dan û bi dehan kes jî winda ne.

Rêveberê Giştî yê Qeyranan yê Xurasanê Mihemed Elî Axundî ji ajansa “IRNA” re ragihand, şeva borî li du blokên C û B yên kana komirê ya li bajarê Tebasê teqînek rû da.

Diyar kir jî, di her du blokên kanê de 69 karker dixebitin, lê li gorî amarên destpêkê 13 kes mirine û 12 kes jî bi birîndarî hatine rizgarkirin ku hinek ji wan jehrî bûne.

Li gorî Axundî, 40 endamên tîmên rizgarkirinê hewl didin 33 karkerên ku di tunêlan de asê mane rizgar bikin, lê ji ber kombûna kombûna gaza Maysan di tunelan de proseya rizgarkirinê hêdî dimeşe.

Kana komirê ya Tabas li parêzgeha Xurasana Başûr li Îranê ye. Ev kana 30 hezar kîlometre çargoşe ye û 75,2 milyar ton yedeka komirê lê ye, bi vê jî ew wek mezintirîn yedeka komirê ya Komara Îslamî ya Îranê tê naskirin. Kûrahiya kanê 250 metre ye û dirêjiya tunelan jî 700 metre ye.