Siyasî

Nêçîrvan Barzanî bi Hakan Fîdan û Îbrahîm Kalin re civiya

Nêçîrvan Barzanî, Hakan Fîdan û Îbrahîm Kalin
Nêçîrvan Barzanî, Hakan Fîdan û Îbrahîm Kalin
Kurdistan Nêçîrvan Barzanî Hakan Fîdan Îbrahîm Kalin Tirkiye Herêma Kurdistanê

Navenda Nûçeyan (K24) - Serokê Herêma Kurdistanê li Enqereyê bi Wezîrê Derve yê Tirkiyeyê û Serokê Dezgeha MÎTê ya Tirkiyeyê re civiya.

Serokê Herêma Kurdistanê Nêçîrvan Barzanî îro (Çarşem, 16.10.2024) bi serdaneke fermî gehişt Enqereya paytexta Tirkiyeyê û bi Wezîrê Derve yê Tirkiyeyê Hakan Fîdan û Serokê Dezgeha MÎTê ya Tirkiyeyê Îbrahîm Kalin re civiya.

Berdevkê Serokatiya Herêma Kurdistanê Dilşad Şehab di daxuyaniyeke taybet de ji malpera Serokatiya Herêma Kurdistanê re ragehand, “Serokê Herêma Kurdistanê Nêçîrvan Barzanî îro (Çarşem, 16.10.2024) bi serdaneke fermî digehe Enqereyê û bi Serokkomarê Tirkiyeyê Recep Tayyip Erdogan re dicive.”

Berdevkê Serokatiya Herêma Kurdistanê herwesa got, “Her du aliyan danûstandin li ser berdewamkirina peywendiyên Tirkiyeyê bi Îraq û Herêma Kurdistanê re û dawî pêşhatên rewşa deverê dikin û dîtin û nerînên xwe li ser çend pirsên din ên cihê giringiya her du aliyan li hev diguherin.”