Geylan Loqman xelatê taybet ê Kurdistan24ê wergirt

Navenda Nûçeyan (K24) - Geylan Loqman bû yarîzanê duyê yê yaneya Hewlêrê ku di vî werzê Lîga Stêrên Îraqê de xelata taybet a Kurdistan24ê werdigire.

Êrîşberê yaneya Hewlêrê Geylan Loqman di yariya dawiyê ya yaneya xwe de serkirdetiya serkeftina yaneya xwe li beranberî Nefta Besreyê kir û wekî baştirîn yarîzanê wê yariyê hat diyarkirina, ji ber ku rolekê bibandor di serkeftina sêyê ya vî werzî ya yaneya xwe de di Lîga Stêrên Îraqê de hebû.

Geylan Loqman karî razemendiya diskê werzişî yê Kurdistan24ê bi dest bixe, herwesa wekî baştirîn yarîzanê gera şeşê ya Lîga Stêrên Îraqê hat diyarkirin û xelata taybet a Kurdistan24ê pêşkêşî wî hat kirin.

Geylan Loqman piştî Şêrko Kerîm bû yarîzanê duyê yê yaneya Hewlêrê ku di vî werzî de vê xeleta Kurdistan24ê werdigire, her di vî werzî de êrîşberê Kurd ê yaneya Zewrayê Îbrahîm Xazî mil bi milê kaptinê Kurd ê yaneya Neftê Ehmed Sebrî ev xelata Kurdistan24ê wergirt, Emced Etwanî jî ji yaneya Zaxoyê di gera sêyê ya Lîga Stêrên Îraqê de ev xelat bi dest xistibû.