Serokkomarê Iraqê pîrozbahî li Donald Trump kir

Navenda Nûçeyan (K24) – Serokkomarê Iraqê Letîf Reşîd ji ber serkeftina Donald Trump di hilbijartinên serokkomariya Amerîka de pîrozbahî li Donald Trump kir.

Serokkomarê Iraqê Letîf Reşîd îro 5ê Mijdarê peyamek li tora civakî “X” belav kir û tê de got: "Ez pîrozbahiyê li Serok Donald Trump dikim ji ber serkeftina wî di hilbijartinên serokatiyê de. Em ji wî û rêveberiya wî re serketinê dixwazin di pêşengiya Dewletên Yekbûyî yên Amerîkayê de ber bi pêşkeftin û xweşguzariya zêdetir.”

Letîf Reşîd got jî: “Em hêvî dikin qonaxeke nû peyda bibe ku aştî û aramî li navçeyê bicih bibe û têkiliyên avaker bi awayekî ku xizmeta berjewendî û daxwazên gelan bike, xurt bike.”

Ev di demekê de ye, derbarê kuştina Qasim Silêmanî û Ebû Mehdî El-Muhendis de, ji aliyê dadgeha Bexdayê ve biryara girtinê li Donald Trump heye.