Harris pîrozbahiyê li Trump dike
Navenda Nûçeyan (K24) – Cîgira Serokê Amerîkayê Kamala Harris ji ber serkeftina Trump di hilbijartinên serokatiya Amerîkayê de, pîrozbahî li wî kir.
Washington Post ragihand, Cîgira Serokê Amerîka Kamala Harris pêwendieke telefonî bi Donald Trump kir û ji ber serkeftina wî ya di hilbijartinê de, pîrozbahî lê kiriye.
Rojnameyê ji zarê alîkarê Harris got: “Harris bi Trump re li ser girîngiya veguhestina aştiyane ya desthilatê gotûbêj kir, da ku ew bibe serokê hemû Amerîkîyan.”
Di hilbijartinên serokatiya Amerîkayê de, li gor encamên destpêkê namzedê Komarî yê Amerîkayê Donald Trump 277 kursî bidest xistine.
Li hemberê namzeda Demokratan Kamala Harris 224 kursiyên komelgeha hilbijartinê bidest xistine û di hilbijartinê de winda kiriye.
Trump ji % 51 ê dengan ango zêdetirî 70,911 mîlyon dengan bidest xistine. Her wiha Harris jî %47,5 ê dengan ango nêzî 66 mîlyon dengan wergirtine.