Parlamentoya Kurdistanê sibe dicive

Navenda Nûçeyan (K24) – Rêveberê Ragihandinê yê Parlamentoya Kurdistanê Saman Ehmed ragihand, hemû amadekarî ji bo civîna yekem a xula şeşem a Parlamentoya Kurdistanê hatine kirin.

Saman Ehmed îro 1ê Berçile di kongreyeke rojnamevanî de got: “Sibe Parlamentoya Kurdistanê bi serokatiya parlamenterê herî temendirêj ku Erdelan Mihemed Sersipî ye, civîna yekem a xula şeşem a Parlamentoya Kurdistanê tê kirin.”

Da zanîn jî, “Di civînê de, parlamenter dê ji aliyê serokê parlamentoyê ve bên vexwendin, ta ku sûndê bixwim.”

Roja Înê 18ê Cotmehê dengdana taybet û roja Yekşemê 20ê Cotmehê jî dengdana giştî ya xula şeşemîn a Parlamentoya Kurdistanê birêve çû. Di dengdana taybet de rêjeya beşdarbûnê ji %97 û di hilbijartinên giştî de jî ji %72 derbas bû.

Hejmara kursiyên partiyên siyasî li gorî encamên hilbijartinê:

PDK: 39 kursî

YNK: 23 kursî

Newey Niwê: 15 kursî

Yekgirtûya Îslamî: 7 kursî

Tevgera Helwest: 4 kursî

Komela Dadweriyê: 3 kursî

Bereyê Gel: 2 kursî

Tevgera Gorranê: 1 kursî

Hevpeymaniya Herêma Kurdistanê: 1 kursî

Kotaya pêkhateyên: 5 kursî