5 gorên bi komî li parêzgeha Neynewayê hatin kolandin

Navenda Nûçeyan (K24) – Dezgeha Şehîdan a Iraqê ragihand, 5 gorên bikomî yên ji aliyê DAIŞê ve hatibûn kuştin, li parêzgeha Neynewayê vedikin. 

Dezgeha Şehîdan a Iraqê îro 27ê Sibatê di daxuyaniyekê de got: “Tîmên teknîkî yên pispor ên beşa gorên bikomî ya Saziya Şehîdan û beşa bijîşkiya dadwerî ya Wezareta Tenduristiyê, kolandina 5 gorên komî li parêzgeha Neynewayê, navçeya Şingalê û navçeya Baacê bidawî kirin.”

Di daxuyaniyê de hat gotin, “Li gorî rêkarên yasayî û teknîkî, hemû paşma radestî bijîşkiya dadwerî hatin kirin, ji bo wergirtina testên pêwîst ji bo nasîna nasnameya qurbaniyan û paşê dê ew ji malbatên wan re bên radestkirin.”

Dezgeha Şehîdan a Iraqê diyar kir jî: “Hemû belge û dozên lêpirsînê dê ji dadgehên pêwendîdar re bên şandin.”

Rêxistina DAIŞê ya teroristî li serê Tebaxa sala 2014ê êrîşeke berfireh kir ser qezaya Şingalê, zêdetirî 3 hezar Êzîdî kuştin û di gorên bikomî de veşartin. Herwiha nêzîkî 7 hezar jin û keçên Êzîdî revandin, heta niha 3584 kes ji wan hatine azadkirin. 

Li gor amaran, 93 gorên bikomî hatine dîtin û 55 gorên bikomî hatine vekirin, 38 gorên bikomî hîn nehatine vekirin.