Siyasî

Hema.. Çekdarên nenas êrîş kir ser mizgeftekê û 10 kes bûn qurbanî

Sûriye Hema Çekdar Êrîş

Navenda Nûçeyan (K24) - Hejmareke çekdarên nenas êrîş kir ser mizgeftekê li sinorê parêzgeha Hemayê ya Sûriyeyê, di encamê de jî 10 kes bûn qurbanî.

Rewangeha Sûriyeyî ya Mafên Mirovan îro (Duşem, 03.03.2025) parve kiriye, “Şeva borî hejmareke çekdarên nenas, ku motorsiklek jî pê re bû, êrîş kir ser mizgefta gundê Heyalînê yê sinorê parêzgeha Hemayê.”

Rewangeha navbirî eşkere jî kir, “Di encama wê êrîşê de, çar kes hatine kuştin û şeş kesên din jî birîndar bûne, ku birînên hin ji wan giran in.”

Her wê çavkaniyê amaje jî da, “Piştî wê rûdanê, hêzeke zêde ya ewlehiyê ji bo vedîtina wan çekdaran ji bo wê deverê hatiye şandin.”

Malperên medyayî yên navxweyî yên sûriyeyê jî parve kiriye ku, ew çekdar di dema terawîhan de çûne nav wê mizgeftê û nivêjker gulebaran kirine.

 

 

Kurdistan24 ,
Fly Erbil Advertisment