Baerbock li ser girtina Imamoglu: Nabe hevrikên siyasî di zindanan de bin
Navenda Nûçeyan (K24) - Wezîra Derve ya Almanyayê haydariyê dide Tirkiyeyê dibêje, “Divê qanûn li welatê we serwer be û nabe hevrikên siyasî li zindan û dadgehan bin.”
Wezîra Derve ya Almanyayê Annalena Baerbock duhî (Duşem, 24.03.2025) li ser tora civakî ya Xê di derheqa girtina Serokê Şaredariya Mezin a Stenbolê Ekrem Imamoglu postek parve kir.
Annalena Baerbock li ser endambûna Tirkiyeyê di Yekîtiya Ewropayê de haydariyê dide û dibêje, “Li jêr sîbera wan karên l idijî Imamoglu û kesên din hatine kirin, dem bi dem piroseya pabendbûna Tirkiyeyê ji bo endambûna di Yekîtiya Ewropayê de ber bi nemanê ve diçe.”
Das Bekenntnis der #Türkei, weiter am EU-Beitritt festzuhalten, klingt angesichts des Vorgehens gegen #İmamoğlu & andere zunehmend hohl. Politische Wettbewerber gehören nicht in Haft oder vor Gerichte. In einem Land, das seine Zukunft in 🇪🇺 sieht, muss Rechtsstaatlichkeit gelten.
— Außenministerin Annalena Baerbock (@ABaerbock) March 24, 2025
Wezîra Derve ya Almanyayê tekez jî kir, “Nabe hevrikên siyasî li zindan û dadgehan bin. Ew welatê ku paşeroja xwe di nav Yekîtiya Ewropayê de dibîne, divê qanûn tê de serwer be.”
Dadgeha Dehê ya Tawanan a Stenbolê li Çaxlayanê jî bi tometên birêvebirina rêkxistina tawanan, dan û wergirtina bertîlan, desttêwerdanên di tenderên dezgehên giştî de û gendeliya darayî pêr (Yekşem, 23.03.2025) biryara zindankirinê ji bo Ekrem Imamoglu derxist.
