PWK: Divê Ferîd Azad demildest bê berdan

Navenda Nûçeyan (K24) – Partiya Welatparêzên Kurdistanê (PWK) dibêje, divê Berdevkê Platforma Ciwanên Serbixwe Ferîd Azad demildest bê berdan.

Buroya Ragehandinê ya PWKê îro 7ê Nîsanê daxuyaniyek belav kir û tê de desteserkirina  rêvebirê Platforma Ciwanên Serbixwe (PCS) Ferîd Azad şermezar kir.

Di daxuyaniyê de hat gotin: “Li gorî agahdarîya ku ji alîyê Evîn Azad a hevjîna rêvebirê Platforma Ciwanên Serbixwe (PCS) Ferîd Azad hatîye belav kirin, polîsên Dewleta Tirkîyeyê roja 07.04.2025ê, li Amedê Ferîd Azad desteser kirine.”

Herwiha got: “Em desteserkirina  rêvebirê Platforma Ciwanên Serbixwe (PCS) Ferîd Azad şermezar dikin. Ferît Azad divê demildest bê berdan.”

Berdevkê Platforma Ciwanên Serbixwe Ferîd Azad ku îro li Diyarbekirê ji mala xwe hat binçavkirin, piştre jî dadgehê biryara girtina wî da.

Platforma Ciwanên Serbixwe di daxuyaniyekê de jî derbarê sedema girtina Ferîd de diyar kir: “Sedema girtina wî bi giştî çalakîya me ya Newrozê û bilindkirina Ala Kurdistanê tê nîşandan.”