Nêçîrvan Barzanî tevlî merasîmên xatirxwastina Papayê Vatîkanê dibe

Navenda Nûçeyan (K24) - Serokê Herêma Kurdistanê îro ji bo tevlîbûna di merasîmên xatirxwastina Papayê Vatîkanê de ber bi Romaya paytexta Îtalyayê ve bi rê keft, ku nûnerîtiya Îraqê jî dike.

Serokatiya Herêma Kurdistanê parve kiriye, “Serokê Herêma Kurdistanê Nêçîrvan Barzanî îro (În, 25.04.2025) êvarê ji bo tevlîbûna di merasîmên xatirxwastina Papayê Vatîkanê de ber bi Romaya paytexta Îtalyayê ve bi rê keft.”

Serokê Herêma Kurdistanê di amadebûna merasîmên xatirxwastina Papayê Vatîkanê Papa Francis de nûnerîtiya Îraqê jî dike.

Biryar e Serokê Herêma Kurdistanê Nêçîrvan Barzanî sibe (Şemî, 26.04.2025) li Vatîkanê tevlî merasîmên xatirxwastina Papayê Vatîkanê Papa Francis bibe, ku gelek kesatiyên mezin ji seranserî cîhanê tevlî wan merasîman dibin.

Vatîkanê duhî (Pêncşem, 24.04.2025) êvarê ragehand ku, sibe (Şemî, 26.04.2025) li meydana Qidîs Putrisê li Romaya paytexta Îtalyayê 50 serokên welatan û 10 şah tevlî merasîmên binaxkirina termê Papa Francis dibin.

Serokê Kargêrî û Darayî yê Vatîkanê Kardînal Kevin Farrell li roja Duşemê (21.04.2025) mirina Papayê Vatîkanê Papa Francis ragehand.