Serokê Giştî yê Saadetê: Pêwîst e dewlet cihê gorên 3ê pêşengên Kurdan eşkere bike

Navenda Nûçeyan (K24) – Serokê Giştî yê Partiya Saadetê Mahmut Arikan ji dewletê daxwaz kir ku cihê gorên 3ê pêşengên Kurdan eşkere bike. Arikan got: ‘Bi nêzîkatiyek ku ji goran ditirse em nikarin paşerojekê ava bikin’

Partiya Saadetê duh 22.06.2025an Kongreya Asayî ya 8an a Diyarbekirê lidar xist. 

Serokê Giştî yê Partiya Saadetê Mahmut Arikan di kongreye de axivî û ji dewletê daxwaz kir ku cihê gorên Şêx Seîd, Seîd Nursî û Seyîd Riza eşkere bike.

Mahmut Arikan di axaftina xwe de got, “Divê êşên ku me di sedsala yekem de kişandine re rû bi rû bimînin û em wan bi têgihiştineke tolxwezî nebin sedsala duyem. 

“Li Tirkiyeyê cihê gorên Şêx Seîd, Seîd Nursî û Seyîd Riza nayê zanîn”

Arikan da zanîn ku îro li Tirkiyeyê, cihê gorên Şêx Seîd, Seîd Nursî û Seyîd Riza nayê zanîn û wiha pê de çû:

“Ez bi nêzîkatiyek ku ji goran ditirse vê yekê bi zelalî dibêjim: Em nikarin pêşerojek nû ava bikin.

“Divê dewlet dawî li vê şermê bîne”

Ez ji vir bangek zelal û bê guman dikim: Divê dewlet niha dawî li vê şermê bîne.

Divê cihê gorên Şêx Seîd, Seîd Nursî, Seyît Riza demildest werin eşkerekirin.

Ev dîrok dîroka me ye; ew bîranîna me ya hevpar e bi kêliyên xwe yên tal û şîrîn.

Divê sedsala duyem a Komarê nebe dubareyeke heman rêwitiyê.

Divê sedsala nû ne li ser bingeha tirsê, li ser bingehe hêviyê were avakirin.

Pêwîst e tu kes ji ber nasnameya xwe ya neteweyî, mezhebê xwe, baweriya xwe an jî ji ber jî fikrê xwe neçar neyê hiştin ku berdêlan bide.”