Luqman Ehmed li Washingtonê nasnameya Kurdî bi cîhanê dide nasîn
Luqman Ehmed li Washingtonê nasnameya Kurdî bi cîhanê dide nasîn

Luqman Ehmed li Washingtonê nasnameya Kurdî bi cîhanê dide nasîn

Navenda Nûçeyan (K24) – Şêwekarê Kurd Luqman Ehmed li Washingtonê pêşangeheke nû bi navê "Dengên bi Reng" vekir, ku tê de tabloyên wî yên rengîn pêşan dan. 

Pêşangeha ku li eywana N+A Gallery li Virginia hat lidarxistin, bi armanca avakirina pireke çandî di navbera Kurdistan û cîhanê de, sembol û kelepora Kurdî bi ruhê hevdem pêşkêş kir.

"Huner, pireke çandî ye"

Luqman Ehmed, ku li Virginia dimîne, derbarê felsefeya xwe ya hunerî de dibêje: "Ez hunermendekî şêwekar ê Kurd im ku hez ji dîrok, şaristanî û kelepûrê dike. Tabloyên min germahî û jiyanê di nav xwe de dihewînin û ez hez dikim hunerê bi muzîkê re bikim yek da ku ezmûneke tekûz pêşkêş bikim. Ez bawer dikim ku huner pireke di navbera çandan de ye û em dikarin bi rêya wê peyamên xwe yên mirovî bigihînin her kesî."

Ehmed bi şêwaza xwe ya taybet a tevlihevkirina reng û sembolên Kurdî tê naskirin û tekez dike ku peyama wî ew e ku nasnameya Kurdî bide der û pireyên çandî di navbera Kurdistan û cîhanê de ava bike.

Beşdarên pêşangehê, ku ji endamên civatên Kurd, Ereb û Amerîkî pêk dihatin, tekezî li ser girîngiya van çalakiyan kirin ji bo danasîna nasnameya Kurdî, parastina çandê û girêdana nifşên nû bi kokên wan re.