PWK: Êrişa li ser Nivîsîngeha Serokwezîrê Herêma Kurdistanê kiryareke terorî ye

Navenda Nûçeyan (K24) – Buroya Ragehandinê ya Partiya Welatparêzên Kurdistanê (PWK) di daxuyaniyekê de êrişa dronî ya li ser nivîsîngeha taybet a Serokwezîrê Herêma Kurdistanê û cihê manê yê Berpirsê Ajansa Parastinê li Pîrmamê bi tundî şermezar kir û ew wekî êrişeke terorî û gefek li ser serweriya Herêma Kurdistanê bi nav kir.

Peyama Partiya Welatparêzên Kurdistanê (PWK)

PWK: ‘’Em êrîşa terorî ya li ser ofîsa Serokwezîrê Herêma Kurdistanê şermezar dikin’’

Dijîterora Herêma Kurdistanê ragehand ku roja 17ê Tebaxa 2026an di demjimêr 00:28an de bi 2 dronên bombebarkirî yên "Hedîd-110", ji aliyê sînorê Îranê ve êrîş li Ofîsa Taybet a Serokwezîrê Herêma Kurdistanê û cihê mayînê yê Berpirsê Ajansa Parastinê yê li navçeya Pîrmamê ya Hewlêrê hatîye kirin. Her wiha hat diyarkirin ku di êrişê de zererên canî çênebûne.

Dewleta Îranê û hêxên terorî yên bi wê ve girêdayî heta nuha bi füze û dronan bi sedan êrîş birine ser Herêma Kurdistanê.Ev êrîş jî beşeke ji van êrîşên terorî ye.

Ofîsa Taybet a Serokwezîrê Herêma Kurdistanê û Berpirsê Ajansa Parastinê hatîye kirin, êrîş û tehdîteke li ser serwerîya Herêma Kurdistanê ye.

Bersîva herî mezin ewe ku hemû partîyên Başûrê Kurdistanê, demildest Hikûmeteke Yekgirtî ya Herêma Kurdistanê ava bikin û dezgehên pêşmerge, aborî,ewlekarî, îdarî, dîplomasîyê bikin yek.

Em vê êrîşa terorî şermezar dikin.

Buroya Ragehandinê ya Partîya Welatparêzên Kurdistanê (PWK)