Mihemed Muxbir: Em destan ji Tengava Hurmizê bernadin

Navenda Nûçeyan (K24) – Şêwirmend û Alîkarê Rêberê Komara Îslamî ya Îranê ragihand ku Îsraîl bêyî piştevaniya rasterast a Amerîkayê nikare ti pêngavan biavêje, herwesa dijatiya xwe ya tund bo her destberdanekê li ser pirsa Tengava Hurmizê nîşan da û ew wekî peymannameya dîrokî ya "Turkmançayê" ya dîrokî rûbirû kir.

Şêwirmend û Alîkarê Rêberê Komara Îslamî ya Îranê Mihemed Muxbir îro Duşem, 19ê Cotmeha 2026ê, ragihand ku ew baweriya ku dibêje Îsraîl serbixwe ye tenê yarîkirin e û tevî hemî propagandayan jî, ew nikarin bêyî Waşintonê tiştekî bikin. Muxbir herwesa got ku Ewropa, NATO û hêzên din jî bi Amerîkayê re çûne nav cenga dijî Tehranê.

Di derheqa encamên cengê de jî, Mihemed Muxbir ron jî kir ku pareke zêde ji armancên cengê yên dijî welatê wan bi cih nehatine. Wî amaje bi wê yekê jî da ku nêrîna dibêje Îran di ti şerekî de neşikestiye xelet e, ji ber ku Îran di şerên borî de şikestiye tenê di serdemê desthilata niha de nebe.

Li ser mijara Tengava Hurmizê jî, Alîkarê Rêberê Îranê hişyarî ji her destberdanekê da û got: "Hinek dibêjin em dest ji Tengava Hurmizê berdin daku parên din ên welatî ji dest nedin, lê tam bi wî lojîkî di dema borî de peymannameya Turkmançayê hate îmzekirin û parek ji axa welatî ji dest çû."

Ev daxuyanî di demekê de ne ku şeva borî Serokwezîrê Îsraîlê Binyamîn Netanyahû tekez kir ku dereng an zû ew dê armancên xwe yên dijî Îranê bi dest bixin û tekez li ser rûxandina desthilata Tehranê kir.

Herwesa Wezîrê Deryayî yê Îranê Ebas Êraqçî jî ragihandibû ku pêşniyara nûkirî ya welatê wan bo vekirina Tengava Hurmizê hêşta li ser mêzê ye. Ji 28ê Sibata borî ve, piştî êrîşên asmanî yên Amerîka û Îsraîlê bo ser Tehranê, bizava bazirganî li Tengava Hurmizê rawestiyaye û hêzên deryayî yên Amerîkayê jî dorpêçeke tund xistiye ser benderên Îranê.