لە کاتی ڕیفراندۆم، تەنها خودا یارمان بوو

لە کاتی ڕیفراندۆم … 

هەموو دونیا نەیار بوو، 

بێ دەنگ وبێ مەوقیف بوون بەرامبەر بە مافی ڕەوای نیشتیمانێک و قەوارەیەکی مێژوویی وسروشتی چەند نەتەوەی ڕەسەن و مێژوویی، تەنها خودا یارمان بوو.

ڕیفراندۆم کە خاڵی وەچەرخان بوو، سەرۆکێک ڕابەرایەتی دەکرد کە جگە فەرمان و فەرمایشتەی یەزدانی پاک، گوێ لە خواست و ئیرادەی گەلەکەی خۆی دەگرێ، ئامادە نەبوو و ئامادە نیە، لە بەرامبەر هەر شتێکی دیکە خۆی شەرمەزاری میللەتەکەی بکات.

بە ڕابەرایەتی سەرۆک و خۆڕاگری گەلی کوردستان ريفراندۆمان سەرکەوت، تاپۆی نیشتیمان هەتا هەتایی بە دەنگ و ئیرادەی کوردستانیان مۆرکرایەوە.

هەموو ڕەنگ و دەنگەکان دروشمی کوردستان یان نەمانیان لە یەخەی دایکی نیشتیمان دایەوە. دەنگێکمان بۆ سەربەخۆیی کوردستان دا شانازیی هەتاهەتایمان بردەوە.

ئایندەی نەوەکانمان گەشتر کرد و دوژمنانمان ڕیسواتر کرد.

 سەرکەوتین

نە دۆڕاین

نەچەماین، 

سوپاس بۆ جەنابی سەرۆک 

سوپاس و ستایش بۆ ئەو عەقیدەیەی فێری نیشتیمانپەروەری و خۆڕاگری کردین، لە عەبدولسەلامی گەورەوە تا سەرۆک مەسعود بارزانی.
سوپاس بۆ ئەو ڕۆژەی کە دەرفەتی داین ئیرادەمان بە سەر ئیرادەی دوژمن سەرکەوێت.

بە سەرێکی بەرز و دڵێکی پڕ لە خاکویستی بە منداڵەکانم بلێم: بە شانازیەوە ریفراندۆمچی یە باوکتان.  پێیان بڵێم .. ڕۆڵەکانم ئێمە بووین بڕیاری خۆمان دا و سەرکەوتین و نەچەماین.