كۆرۆنا گورز لە بازاڕی ئۆتۆمبێل دەدات

K24 - ھەولێر

كەرتی ئۆتۆمبێل لە چین بەھۆی كۆرۆناوە گورزی گەورەی بەردەكەوێت.

بەگوێرەی ئامارەكانی یەكێتی فرۆشیارانی ئۆتۆمبێل لە چین ، تاكفرۆشی ئۆتۆمبێل لە چین لەم مانگەدا بەرێژەی 92% دابەزیوە لەسەر بنەمای ساڵانە، كە ئەوەش ھاوكاتە لەگەڵ تەشەنەسەندی ڤایرۆسی كۆرۆنا و لە ئەنجامدا چالاكی كۆمپانیاكان لەو وڵاتە بەشێوەیەكی بەرچاو پەكیكەوتووە.

لە ئامارەكانی یەكێتییەكەدا ھاتووە، لە 16 رۆژی سەرەتای ئەم مانگە فرۆشتنی 49 هەزار و 900  ئۆتۆمبێل تۆمارکراوە، بەڵام ھەمان ماوەی ساڵی رابردوو فرۆشی ئۆتۆمبێل 59 ھەزار و 930  بووە، ئەوەش كاریگەرییە نەرێنییەكانی كۆرۆنا لەسەر گەورەترین بازاڕی ئۆتۆمبێل لە جیھاندا بە روونی دەردەخات.

لەبەرامبەریشدا وەزارەتی بازرگانی چین رایگەیاندووە، رێوشوێنی پێویست بۆ پاڵپشتیكردنی ئەو كەرتە دەگرێتەبەر.

ھ.م