نرخی نەوت زیاتر دابەزی
دوو هەفتەیە لە دابەزین بەردەوامە
K24- هەولێر:
بەهۆی زیادبوونی حاڵەتەکانی کۆرۆنا لە ئەوروپا و ئەمەریکا، نرخی نەوت بەشێوەیەکی بەرچاو دابەزیووە.
بەگوێرەی هەواڵێکی ئاژانسی رۆیتەرز، نەرخی یەک بەرمیل نەوتی برێنت بۆ 37 دۆلار و 62 سەنت دابەزیووە، ئەمەش نزمترین نرخە لە ماوەی پێنج مانگی رابردوودا.
هەروەها نرخی یەک بەرمیل نەوتی تێکساس بۆ 36 دۆلار و 13 سەنت دابەزیووە.
لە ماوەی دوو هەفتەی رابردوو، نرخی نەوتی برێنت، نزیکەی 10 دۆلار دابەزیووە.