شەڕێ ئەمریکا و ئیرانێ دێ هەتا کەنگی بەردەوام بیت؟

دنوکە دا پرسا شەڕێ ئەمریکا و ئیرانێ بوویە پرۆسەیەکا ئالۆز، ئەڤ پرسە جیهان هەمی خستە د قۆناغەکا هەستیار دا و هەمی هەوڵدانێن دەولەتێن پاکستان و قەتەر و عومان و تورکیا دهێنە هاڤێتن بۆ گەهشتن ب دوماهیك ئینانا ڤی جەنگێ مەترسی ب شێوەیەکێ گشتی.

ئیرانێ دڤێت بهێنڤەدانەکێ وەرگریت، د بەرامبەر دا ئەمریکا ژی دڤێت بهێنڤەدانەکێ وەرگریت و ب دیتنامن ئەڤ بهێنڤەدانە بۆ هەردوو لایان باش نینە. سەرەڕای هندێ هەردوو لایان خوە رێک دئێخن داکۆ مفایی ژ ڤی دەمی وەرگرن.
د ڤی شەڕێ 15 رۆژان دا چەندین هێرشێن هەڤدژ و جیاواز هەبوون ژ لایێ هەردووکان ڤە، بتایبەت ژ لایێ سەربازی و ئابووری و ژ لایێ هەواڵگری ڤە بەردەوام بوون.

ئەمریکا لسەر ناڤخۆیا ئیرانێ کار دکەت بۆ بلندکرنا دەنگێ نەرازی د ناڤخۆیا ئیرانێ دا، داکو دەنگێ نەرازی دناڤ ئیرانێ دا بلند بکەت و دەست ب کودەتایێ بکەن و دەستوەردانا کارگێڕی بهێتە کرن ژ لایێ دەنگێ نەرازیڤە و هەولددەن  دووبەرەکی بێخن دناڤ دەستهەلاتێ و خەلکێ ئیرانێ دا ژلایێ ئابووری و بارێ دەروونی  بتایبەت گەلەك لسەر خالا ژێرخانا ئابووری و سەربازییا ئیرانێ کار دکەن دا ژبن ببەن، و داکۆ ئیران نەچار بیت بهێتە بن وان مەرجێن ئەمریکا بۆ ئیرانێ دەست نیشان کرین.

ئەگەرێ سیێ  ئەمریکا ب رێکا هەواڵگریێ جهێ موجتەبا خامنەیی دگەڕیت داکو جهێ وی بۆمباران بکەت و ژناڤ ببەت. ئەمریکا وەسا دزانیت ئەگەر ناڤبری هاتە کوشتن، دێ بارودۆخێ رژێما کۆماریا ئیرانێ تێکچیت و دێ بیتە ئەگەرێ ژناڤچوونا رژێما ئیرانێ ب تەمامی. و ب بۆچوونا من جەنگ دێ تا 3 ی نوڤەمبەرێ راوەستیت، هەتا هەلبژارتنێن کۆنگرێسێ ئەمریکا ب دوماهیک بهێت.

ب سەرکەفتنا کۆماریان د هەلبژارتنێن کۆنگرێسێ دا، هێرشێن ئەمریکا لسەر ئیرانێ دێ دژوارتر بن و بتایبەت دڤان جهاندا :

1- درێژەدان ب گەمارۆیا دەریایی ل سەر کەنداوا عەرەبی و کەناڤا هورمز.

2- هێرشا وشکاتیێ لسەر ناوچا سنووران بتایبەت ل دوورگەها خارگ و قێشم و زنجیرە چیایێن زاگرۆس.

3- بۆمبەبارانکرنا بنگەهێن کارەبێ و جهێن ئاڤێ و بیرێن نەفتێ و جهێن ستراتیژی.

4- بڕینا ئینتەرنێتێ و پەیوەندیا دناڤ ئیرانێ دا بۆ دروستکرنا ئاڵۆزیا ناڤخۆیی.

5- هێرشکرنە سەر بنگەهێن مووشەکی یێن بالیستی ل ئیسفەهان و شیراز.

6- پشتەڤانیا دارایی و سەربازی بۆ گروپێن ئۆپۆزسیۆنێ ل دەرڤە و ناڤەوە.

7- داخستنا هەمی بانکێن ئیرانێ ژ سیستەمێ سویفت و تێکدانا ئابووریا وێ ب تەمامی.

8- هێرشا سایبەری بۆ سەر بەرنامێ ئەتۆمی و ناڤەندێن هەواڵگری.

9- بکارهینانا فرۆکێن بێ فرۆکەڤان بۆ کوشتنا سەرکردێن سوپایێ پاسداران.

10- دروستکرنا هەڤپەیمانیەکا نی ل گەل ئیسرائیل و سعوودیە و ئیمارات بۆ دورپێچکرنا ئیرانێ ژ هەمی لایان ڤە.

ل دوماهیێ ب کورتی و پۆختی  ئەمریکا نە بۆ رژێما ئیرانێ راوەستاندنێ دکەت بەلکۆ ئەمریکا دڤێت سەرێ ماری بگریت و ب هەرشینت.