خێزانێكى گرێ سپى نه‌هامه‌تييه‌كانيان ده‌گێڕنه‌وه‌

K24 – كوبانێ:

ئێواره‌يه‌كى مانگى ره‌مه‌زان، كاتێك ماڵباتى شيرين چاوه‌ڕوانى بانگ بوون، بۆ ئه‌وه‌ى خوان ئاماده‌ بكه‌ن، چه‌كدارانى ئه‌حرار شام هه‌ڵيانكوتاته‌ سه‌ريان و داوايانلێكردن به‌ نيو كاتژمێر ماڵه‌كانيان چۆڵ بكه‌ن.

شيرن بۆ كوردستان 24 رووداوه‌كه‌ ده‌گێڕێته‌وه‌ و ده‌ڵێت: چه‌كداره‌كان گه‌نجه‌كانيان جياكرده‌وه‌ و ئه‌وانيان راپێچى زيندان كرد.

گوتيشى: دواى شه‌ش مانگ له‌و رووداوه‌، داعش گرێ سپى داگيركرد و زيندانه‌كه‌ شكێنرا.

هاوسه‌ره‌كه‌ى شيرين ده‌كه‌وێته‌ ده‌ستى داعش و كوڕێكى شيرين، ده‌چێت بۆ سۆراغى باوكى.

به‌ڵام چه‌كدارانى داعش ئه‌ويش ده‌ستگيرده‌كه‌ن و دواى دوو ساڵ له‌ چاوه‌ڕوانى په‌يوه‌ندييان پێوه‌ ده‌كه‌ن و ده‌ڵێن وه‌رن ته‌رمه‌كانتان به‌رنه‌وه‌.

شيرن ده‌ڵێت: كاتێك چووين واژوويان پێكردين، پرسه‌ بۆ رۆڵه‌كه‌مان دانه‌نێين و وتيان ئه‌وه‌ "كافر" بووه‌ و نابێت نوێژى له‌سه‌ر بكرێت.

شيرن ده‌يه‌وێت بگه‌ڕێته‌وه‌ بۆ سه‌ر ماڵ و حاڵى خۆى، به‌ڵام وه‌ك خۆى باسيكرد، له‌به‌ر مه‌ترسى بۆمبه‌كانى داعش و په‌لامارى تيرۆريستيى و نه‌مانى سه‌رچاوه‌ى بژێوييان و داڕووخانى ماڵه‌كه‌يان ناتوانن بگه‌ڕێنه‌وه‌.